اینٹوں کے بھٹے کی دیوار گرنے سے 6 مزدور جاں بحق، 2 شدید زخمی روڑکی، منگلور کوتوالی کے لہابولی گاؤں میں منگل کی صبح ایک اینٹوں کے بھٹے کی دیوار اچانک گر گئی

۔ اس دوران نصف درجن سے زائد مزدور ملبے تلے دب گئے۔ اب تک ملبے سے چھ لاشیں نکالی جا چکی ہیں۔ جبکہ دو کی حالت تشویشناک ہے۔ موصولہ اطلاع کے مطابق منگلور کوتوالی کے لاہابولی گاؤں میں منگل کی صبح اینٹوں کے بھٹے کی دیوار اچانک گر گئی۔ اس دوران نصف درجن سے زائد مزدور ملبے تلے دب گئے۔ ملبے سے پانچ لاشیں نکال لی گئی ہیں۔ جبکہ تین کی حالت تشویشناک ہونے پر انہیں اسپتال لے جایا گیا جہاں ایک اور مزدور بھی دوران علاج دم توڑ گیا۔ بتایا جا رہا ہے کہ یہ حادثہ صبح اینٹوں کو پکانے کے لیے چمنی میں اینٹیں بھرتے وقت پیش آیا۔ مزدور کام کر رہے تھے کہ اچانک دیوار گر گئی۔ اس سے پہلے کہ کوئی کچھ سمجھ پاتا دیوار کے پاس کھڑے مزدور ملبے تلے دب گئے۔ اطلاع ملتے ہی پولیس اور انتظامیہ کے اہلکار موقع پر پہنچ گئے اور جے سی بی کی مدد سے راحت اور بچاؤ کام شروع کیا۔ جو اس وقت جاری ہے۔ منگلور پولیس اسٹیشن کے انچارج پردیپ بشت نے بتایا کہ اب تک پانچ لاشیں نکالی جاچکی ہیں۔ جبکہ تین مزدوروں کی حالت تشویشناک ہونے پر انہیں اسپتال لے جایا گیا جہاں ایک اور مزدور بھی دوران علاج دم توڑ گیا۔ راحت اور بچاؤ کا کام جاری ہے، مقامی انتظامیہ کے اعلیٰ حکام بھی موقع پر موجود ہیں۔ مرنے والوں کے نام: مکل (28) ولد سبھاش ساکن گائوں اودل ہری، صابر (20) ولد محبوب ساکن مملانہ، مظفر نگر، انکت (40) ولد دھرم پال ساکن گائوں اُدال ہری، بابورام (50) ولد کالورام ساکنہ۔ لہابولی، جگی (24) ولد بسمار ساکن گائوں اُدال ہری، پنہ، مظفر نگر اور ایک دیگر شامل ہیں۔